បាត់ដំបង៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកទឹកចិត្តដល់ពលរដ្ឋរងគ្រោះដោយបញ្ហាទឹកជំនន់កុំចុះចាញ់ទៅនឹងការលំបាកព្យាយាមដោះស្រាយបញ្ហា គណៈរដ្ឋាភិបាលក៏ចូលរួមក្នុងការលើកទឹកចិត្តក៏ដូចជាការដោះស្រាយបញ្ហាជូនពលរដ្ឋដូចគ្នា។
ថ្លែងក្នុងពិធីចែកពូជស្រូវនិងស្បៀងជូនពលរដ្ឋជាង ១ម៉ឺនគ្រួសារនៅក្នុងខេត្តបាត់ដំបង ព្រឹកថ្ងៃទី២៤ ខែតុលា ឆ្នាំ២០២២ សម្ដេចតេជោ ហ៊ុន សែន បានថ្លែងដោយលើកទឹកចិត្តដល់ពលរដ្ឋថា៖ «ត្រូវតែក្លាហានដើម្បីជំនះនូវការលំបាកទាំងអស់នេះ»។
របាយការណ៍គណៈកម្មាធិការគ្រប់គ្រងគ្រោះមហន្តរាយបានឲ្យដឹងថា ជំនន់ទឹកភ្លៀងឆ្នាំ២០២២ នេះប៉ះពាល់ ខេត្តចំនួន២២ ដែលមានចំនួន ៩៦ស្រុក ក្រុង ខណ្ឌ លិចស្រូវ ១៥១ ៤១២ហិតា និងលិចដំណាំរួមផ្សំចំនួន ៤១ ០២៤ហិតា៕
PHOTO: ហ៊ុន យុទ្ធគុណ